Најмалку 31 лице загина во самоубиствен напад врз полициски комплекс во северозападниот дел на Пакистан, јавуваат светските агенции, повикувајќи се на локалните власти.
Нападот бил извршен со автомобил наполнет со експлозив, кој бил насочен кон објектот во момент кога полицајци и членови на нивните семејства биле собрани на молитва во џамија во рамките на комплексот.
Експлозијата предизвикала големи материјални оштетувања, а спасувачките екипи продолжиле да го пребаруваат подрачјето. Надлежните стравуваат дека бројот на жртвите би можел дополнително да се зголеми.
Засега нема официјални информации за точниот број повредени, ниту за тоа дали некоја организација ја презела одговорноста за нападот.
Пакистан во последните години се соочува со зголемен број напади врз полицијата и безбедносните сили, особено во областите во близина на границата со Авганистан.
