Утрински Весник
Политички Партии

ВМРО-ДПМНЕ: Јавноста откри тајна хациенда на министерката за одбрана, нека ја донира во хуманитарни цели

Петровска: Ја повикувам Комисијата за одбрана одблиску да го следи спроведувањето на огласот за прием на професионални војници

Народот додека едвај врзува крај со крај, функционерите на власта кријат луксузни имоти. Додека поголемиот број од пензиите не се ниту 1/3 од потрошувачката кошничка, додека две минимални плати не се доволни за да се прехрани едно семејство, Славјанка Петровска крие луксузен имот, обвини ВМРО-ДПМНЕ.

dobivaj vesti na viber

„ Имено, министерката Петровска во својот Анкетен лист до ДКСК пријавила само долгови, два кредити и една кредитна картичка, но не и луксузна хациенда во Радишани. Имотот на Петровска е евидентиран и во Агенцијата за Катастар на недвижности, прибележан во евидентен лист во катастарската општина Радишани и се наоѓа на улица „Радишанска“.

Жителите од тој дел на улица „Радишанска“ според избирачкиот список гласаат во избирачкото место 2948/1 кое се наоѓа во ОУ „Ацо Шопов“. Тоа е избирачкото место каде гласа и министерката Петровска. Адресата на луксузната хациенда на Славјанка Петровска е и адреса на живеење која истата ја има во личната карта.

Покрај тоа што не е пријавен како нејзин имот во ДКСК, таа е и дивоградба, односно истата не е легализирана. ВМРО-ДПМНЕ ги повикува надлежните институции да постапат, а Славјанка Петровска наместо на ВМРО-ДПМНЕ како што вети, оваа луксузна хациенда да ја донира на здруженијата на бранители од 2001 година.

ВМРО-ДПМНЕ исто така ја повикува Славјанка Петровска веднаш да си поднесе оставка. Личност без морална димензија како Петровска не смее да биде на чело на МО и да седи заедно со министрите за одбрана на нашите стратешки сојузници во НАТО“ се додава во соопштението.

Можете да прочитате

СДСМ: ВМРО-ДПМНЕ предизвика катастрофа во Скопје, градот нема јавен превоз

СДСМ: Хаос со превозот, катастрофа во Скопје поради неспособност на ВМРО-ДПМНЕ

СДСМ: Ковачевски има економски план, 2023 ќе биде година на пресврт и економски раст