Новиот состав на Универзитетскиот сенат на Универзитетот „Св. Кирил и Методиј“ во Скопје официјално започна со работа за мандатниот период од 1 јули 2026 до 1 јули 2029.
Сенатот е конституиран по седницата одржана на 23 јуни 2026 година, а од почетокот на јули и формално ги презеде своите надлежности, кои ќе ги извршува согласно Законот за високото образование и Статутот на Универзитетот.
Како што соопшти УКИМ, по спроведеното гласање на конститутивната седница, за претседател на Универзитетскиот сенат е избран проф. д-р Владо Бучковски од Правниот факултет „Јустинијан Први“.
Неговиот мандат како претседател на Сенатот ќе трае една година.
Универзитетскиот сенат е еден од највисоките академски органи на УКИМ и има значајна улога во донесувањето на одлуки поврзани со наставната, научната и развојната дејност на најстариот и најголем државен универзитет во земјата.
