Утрински Весник
Балкан

Висока опасност од пожари во одредени делови на Грција, надлежниот министер повикува на зголемена внимателност

Pozhar Krf.jpg

Во следните денови во неколку делови на Грција постои многу висока опасност од пожари, а министерот за климатски кризи и цивилна заштита Василис Кикиљас апелираше сите да бидат максимално внимателни, јави дописничката на МИА од Атина.

Кикиљас објасни дека според надлежната комисија за оцена на опасностите денеска и за време на викендот во централна и јужна Грција, делови од Пелопонез и на островите во Егејското море ќе преовладуваат тешки временски услови со силен ветер што ќе достигне до шест и седум Бофори и дополнително ќе се зајакне в недела.

– Повикувам на внимателност и барам од нашите сограѓани да бидат максимално внимателни, бидејќи не е дозволена некаква грешка, истакна надлежниот министер.

За денеска, постои многу висока опасност од пожари, од категорија четири во неколку делови на Грција, конкретно во јужниот дел.

Можете да прочитате

Укината блокада на трите гранични премини меѓу Косово и Србија

Во Белград денеска се одржува „Парада на гордоста“

Пронајдено телото на рударот кој падна во јама длабока 600 метри во Врање