Секторот за внатрешни работи Тетово поднесе кривична пријава против две лица – Б.М. (45) од Германија и Џ.А. (54) од тетовското село Шипковица. Тие се осомничени за сторување на кривичните дела „узурпација на недвижности“ и „бесправно градење“.
Според информациите од полицијата, во текот на 2023 година, Б.М. како инвеститор и Џ.А. како изведувач на градежните работи, изградиле викенд-објект на катастарска парцела во катастарската општина Шипковица, која е во државна сопственост. Објектот бил подигнат без претходно обезбедена дозвола за градба од надлежен орган.
