Алекс Роси, дописник на „Скај њуз“ од Москва, пишува дека во Русија отпорот кон мобилизацијата полека но сигурно расте.
Во последните пет дена, откако рускиот претседател Владимир Путин најави мобилизација на 300.000 резервисти за војната во Украина, се одржаа низа протести против мобилизацијата, каде беа приведени повеќе од 2.000 луѓе.
Роси наведува дека протестите се мали, но значајни со оглед на фактот што се одржуваат во Русија, каде не се толерира непослушност. Има знаци и за посериозен бунт против мобилизацијата.
Најмалку 20 канцеларии за регрутирање беа изгорени, а еден офицер за регрутирање беше застрелан од непосредна близина во канцеларијата за мобилизација во сибирскиот регион Иркутск, наведува медиумот.
