Утрински Весник
Свет

(Видео) Вучиќ: Во последните неколку месеци читам дека сум малиот Путин

(Видео) Вучиќ: Во последните неколку месеци читам дека сум малиот Путин

Претседателот на Србија, Александар Вучиќ на панелот „Проширување на европските хоризонти“ што се одржува во рамки на Светскиот економски форум во Давос, рече дека е песимист за влез во ЕУ во блиска иднина и дека не мисли само на Србија, туку на земјите од регионот.

dobivaj vesti na viber

„Сите ние гледаме и не можеме да замижиме пред расположението во ЕУ. Кога станува збор за европската политичка заедница, тоа е важно за нас, бидејќи можеме да разговараме за различни прашања со европските лидери“, рече тој.

Вучиќ додава дека Србија има добра стапка на раст и дека сега прашање е како да продолжи со исто или посилно темпо.

„Што треба да правиме на многу полиња во однос на владеењето на правото. Нема големи соништа, ниту сме ентузијасти како порано. ЕУ веќе не е ентузијастичка, како што мислевме дека е. Популарноста на ЕУ во земјите од регионот паѓа поради различните притисоци врз тие земји. Кај нас поради Косово и Метохија, во Северна Македонија поради притисоците поврзани со нивниот идентитет“, рече Вучиќ.

Тој рече дека Србија постигнала напредок во реформите во правосудството, но дека знае дека нема брзо да стане членка на ЕУ.

На прашањето за ставот на Србија за војната во Украина, Вучиќ побара појаснување – на кој став точно се однесува.

https://www.youtube.com/watch?v=DCLoyed6ozE

„ Кажи ми кој е тој став. Последните неколку месеци читам дека сум малиот Путин, дека ќе започнам војна против моите соседи. Во светските медиуми се објавени повеќе од 1.700 статии. и ние не сме нападнале никого, а тоа нема да се случи. Јас сум малку циничен. Тоа беше брутална лага, како и многу други. Што се однесува до војната во Украина, ние го поддржуваме територијалниот интегритет на Украина, исто како што го поддржуваме територијалниот интегритет на Србија. Кога ме прашуваат дали Крим е дел од Украина, јас велам дека е дел од Украина, како и Донбас“, рече Вучиќ.

Тој посочи дека Србија нема да го менува ставот, и дека ќе биде верна на територијалниот интегритет на секоја членка на ОН.

Можете да прочитате

МСП му наложи на Израел да отвори копнени премини за хуманитарна помош за Појасот Газа

Руски воени бродови впловија во Црвено Море

Во Франција за Велигден зголемено присуството на полицијата пред црквите