Анкара во средата беше погодена од силен ветер, кој уништи поголем дел од градската инфраструктура. Уништени се покриви, згради, а еден запрепастен граѓанин снимил вирално видео кое, како што пишуваат локалните медиуми го покажува целосниот обем на катастрофата.
На небото над Анкара во еден момент беше забележан и кревет.
A flying sofa was spotted in the sky over the capital of #Turkey.
No, this is not a miracle: because of the strongest hurricane in #Ankara, minarets fell and the roofs of buildings flew away. How the sofa ended up in the air is an open question. pic.twitter.com/NM5z0UoDRq
— NEXTA (@nexta_tv) May 18, 2023
Според локалните медиуми, брзината на ветрот била и до 145 километри на час. На терен имаше дури 1.221 возило на градската служба и 2.565 вработени кои континуирано интервенираа по разорниот ураган. Како што информираше градоначалникот на Анкара, отворена е и посебна линија, пишува „Јутарњи лист“.
„Летечкиот кревет“, предизвика бројни коментари на социјалните мрежи. „Ова не се случува“, напиша корисник на Твитер. „Кутри луѓе“, додаде друг. „Дали е птица, дали е авион – не, тоа е кревет!“ се пошегува трето лице.
Засега не се знае дали има повредени, а штетите од ураганот се уште се бројат, пренесуваат локалните медиуми.
