Рускиот претседател Владимир Путин денеска пристигна на Крим на годишнината од повторното обединување на полуостровот со Русија, пренесува РИА Новости.
На денот на деветгодишнината од обединувањето на Русија и Крим, Путин пристигна во Севастопол на отворањето на уметничкото училиште и центарот Корсуњ во Херсонез.
Крим и Севастопол ја слават деветгодишнината од приклучувањето кон Русија. Тие станаа руски региони на 18 март 2014 година на референдум, кој се одржа по државниот удар во Украина.
За повторно обединување со Русија гласаa 96,77 отсто од гласачите на Република Крим и 95,6 отсто од жителите на Севастопол.
Украина го смета полуостровот за своја привремено окупирана територија, а Западот ја поддржува во тоа.
Москва повеќепати изјавува дека жителите на Крим ја донеле својата одлука демократски, со целосно почитување на меѓународното право и Повелбата на ОН. Според Путин, прашањето за Крим конечно е затворено.