На социјалните мрежи кружи видео, кое наводно го прикажува уништувањето на британскиот „Челинџер 2“ во Украина, што би било првпат еден од тие тенкови да биде уништен во борба.
Како што пишува „Гардијан“, видеото е направено од автомобил што се обидува да избега од битката, а на снимката се гледа како „Челинџер 2“ е обвиен во густ сив чад. Од видеото не е јасно како дошло до уништувањето.
Иако аналитичарите потврдија дека се работи за британски тенк, не е јасно кога и каде точно е направена снимката, иако гласовите што се слушаат зборуваат на украински.
Ниту еден „Челинџер 2“ не е изгубен во борба откако првпат беше распореден во 1994 година, иако еден од нив беше уништен во пријателски оган во Ирак во 2003 година, пишува „Гардијан“.
Велика Британија ѝ даде 14 тенка на Украина на почетокот на оваа година, но до сега не се знаеше дали тие се користени во борбите на првата линија.
