Утрински Весник
Македонија

(Видео) Митева: Владата купува луксузни алкохолни пијалоци за речиси 3 милиони денари

„Функционерите не се граѓани од посебен ред“ – ВМРО-ДПМНЕ бара веднаш да се намали коефициентот на платите

Владата на Ковачевски преку Службата за општи и заеднички работи во Владата (СОЗР) купува скапи и луксузни пијалоци за 2.950.000 денари, изјави на прес-конференција портпаролката на ВМРО-ДПМНЕ, Марија Митева.

dobivaj vesti na viber

Договорот за пијалоците, како што кажа Митева, бил склучен на 24 април помеѓу СОЗР и три економски оператори.

„Функционерите од СДС и ДУИ ќе имаат можност да пијат високо квалитетно вино, означено како Барик вино со контролирано потекло во пакување од 0.75 литри по цена од 2.293 денари. Додека народот преживува со 150 денари на ден, Ковачевски и неговите министри и директори ќе имаат можност да пијат виски од 1 литар, со минимум 42% алкохол кое чини 2.730 денари. А, кога ќе сакаат да пијат нешто поскапо, ќе пијат Бурбон виски во шише од 1 литар и со минимум 42% алкохол кое чини 3.413 денари. Додека болните од дијабет чекаат инсулин, функционерите од власта ќе се засладуваат со крем ликер набавен за 2.034 денари. Кога народот ќе купува поевтини тестенини, министрите и директорите на Ковачевски ќе наздравуваат со пенливо полуслатко бело вино од 1.331 денар“, рече Митева.

Опозициската партија најави дека во наредните денови ќе објавува документи како власта се луксузира на сметка на народот.

 

Можете да прочитате

Кривична пријава за злоупотреба на службена положба и овластување против инспектори од ДПИ

Приведен крадец во Берово – 24info.mk

Две од трите приведени лица за убиството на докторот во Железара добија куќен притвор