Утрински Весник
Македонија

(Видео) Митева: Катастар пред банкрот, зголемување на давачките до 500 отсто

(Видео) Митева: Катастар пред банкрот, зголемување на давачките до 500 отсто

„Во услови на длабока сиромаштија, кризи и инфлација, СДСМ им воведе нови поскапи цени на услугите на Агенција за катастар на недвижности. Со новиот Тарифник на Катастарот услугите за добивање одредени податоци се поскапени за 100, 200, па и за 500 отсто, на товар на геодетските друштва, нотарите, адвокатите и граѓаните кои користат катастарски услуги“ рече на денешната прес-конференција портпаролката на ВМРО-ДПМНЕ, Марија Митева.

dobivaj vesti na viber

Митева даде и примери за овие тврдења:

„Ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари, односно за повеќе од 100 отсто, или ако правото на упис на стан досега чинеше 300 денари, сега е 1200 денари, или ако имотен лист чинеше 180 денари, сега е 250 денари“.

„Запишување на стан има зголемување за преку 300%, запишување на парцела има зголемување од 100%, имотен лист зголемување за 40%, а зголемување на поедини производи оди и до 500%“ дополнува Митева.

Посочи дека „ваквите измени на тарифникот се направени без никаква консултација со најзасегнатите страни. Ваквите измени согласно член 37 став 2 од Законот за катастар на недвижности, ги донесува Управниот одбор на Агенцијата по претходно добиена согласност од страна на Владата“.

„Ова докажува дека додека власта со полна уста зборува за наводна грижа и помош за граѓаните и за стопанството во услови на економска криза, дава согласност за зголемување на цените на услугите кои им се неопходни на граѓаните и бизнисот. Власта на дело покажува самоволие и невиден грабеж“ смета Митева.

Можете да прочитате

Бугарското МНР со нота ќе бара да им се обезбеди пристап на Бугарите на 4 февруари

Истрага за пет лица, кои сексуално злоупотребувале малолетничка

СДСМ: Мицкоски во депресија, му се клати фотелјата во Белиот дворец