Двајца скијачи загинаа, а 19 извесно време беа затрупани под снег откако лавина погоди популарен ски-центар на Хималаите.
Огромна лавина зафати 21 турист и двајца водичи од Кашмир.
Двајца скијачи од Полска загинаа, а спасувачките екипи ги извлекоа останатите туристи.
Туристите скијаа во планините во близина на градот Гулмарг. Почнавме спасувачка акција. Досега најдовме две тела“, соопшти локалната полиција, додавајќи дека спасувачките служби спасиле 19 странски туристи и двајца локални водичи, пренесува „Дневна пошта“.
Планинскиот венец Пирпанџал е популарна скијачка дестинација за Индијците и за странците. Во 2010 година, најмалку 17 индиски војници загинаа таму откако лавина ги погоди членовите на военото училиште за време на вежби.
Лавините и одроните се вообичаени во Кашмир. Во текот на 2017 година, лавина ја затрупа индиската армија во три одделни наврати, при што загинаа најмалку 20 војници, а во 2012 година, голема лавина во Кашмир контролиран од Пакистан уби 140 луѓе, вклучувајќи 129 пакистански војници.