Премиерот Димитар Ковачевски ги собра на лидерска средба владините партнери по посетата во САД. Се очекува на средбата да стане збор за уставните измени.
Вчера, премиерот го свика Централниот одбор на СДСМ од каде што беше испратена пораката за европска иднина и глас за уставните измени. По средбата беше кажано дека Ковачевски ќе ги информира сите политички партнери од владината коалиција за посетата на САД, искажаната поддршка за земјава и реформите за продолжување на европскиот пат.
Последната лидерска средба на Ковачевски со претседателите на партиите од владината коалиција беше пред три месеци кога ги информира за разговорите и за влез на Алијанса за Албанците во Владата. На денешната лидерска средба, за разлика од претходната, ќе присуствува претседателот на Алијансата Арбен Таравари, а нема да учествуваат претседателот на Алтернатива Африм Гаши, и претседателот на Демократски сојуз Павле Трајанов, кои излегоа од Владата.
