Според Дарко Каевски, пратеник и портпарол на СДСМ, партијата е со засилено присуство на терен, меѓу граѓаните.
„Од денеска започнуваме со серија граѓански трибини „Силно и одлучно кон иднината“ каде заедно со граѓаните отворено ќе разговараме за мерките и политиките на СДСМ, за нашата визија за иднината на нашата македонска држава. А нашата визија е економски силна и стабилна држава, полноправна членка на ЕУ, до 2030 година, со заштитен македонски јазик и идентитет. Централниот караван почнува во Битола во Домот на културата од 18.30 часот. Граѓански трибини со почеток во 17.00 часот ќе се одржат и во целиот регион, односно и во Ресен, Новаци, Могила и Демир Хисар“, најави Каевски.
Овие трибини, како што оценува, се добра можност одблиску да се претстават ефектите од мерките на СДСМ, но и изворно запознавање со барањата и потребите на граѓаните, да се слушнат нивните ставови и идеи.
„Како одговорна партија се грижиме за граѓаните и за животниот стандард во време на криза. Но истовремено гледаме и напред, за нашите деца да можат горди и со крената глава да ја градат својата иднина дома, во земја членка на ЕУ. СДСМ останува со граѓаните, продолжува да работи на мерки и политики што го унапредуваат животниот стандард и носат развој на државата“, нагласи Каевски.
