Градоначалниците од ВМРО-ДПМНЕ и СДСМ се пофалија дека издвоја победа во битката со ѓубрето, истото го направи и градоначалничката Данела Арсовска – додека контејнерите и натаму се преполни. Низ повеќе локации во Скопје, екипата на „Макфакс“ улови десетици неиспразнети контејери, иако скоро сите скопски општини посочија дека тие се празни.
Скопските градоначалници почнаа да бараат помош од други градови да им испратат возила за собирање на комунален смет поради бојкотот на скопските комуналци и натрупаноста на Скопје со ѓубре. Тие вчеравечер со механизација сами го собираа отпадот и го однесоа во „Дрисла“. Таму не им го прифатија за истовар, па го оставија пред портите.
Градоначалничката на град Скопје, Данела Арсовска, преку социјалните мрежи порача дека успеала да извојува уште една победа во интерес на жителите на градот.
„Успеавме да извојуваме уште една победа со цел заштита на јавниот интерес, интересот на скопјани“, напиша градоначалничката Данела Арсовска покрај фотографиите од осум исчистени контејнери.
