Здравствената состојба на шефот на Белата куќа Џо Бајден за време на неговото официјално патување во Порторико уште еднаш го привлече вниманието на корисниците на интернет. Коментарите се појавија под објавата на Републиканскиот национален комитет (РНЦ) на Твитер.
Во објавеното видео, се гледа како Бајден оди заедно со сопругата и наеднаш застанува и гледа надолу како да бара нешто, а потоа збунето гледа наоколу. Корисниците се прашуваа дали претседателот е добро, изразувајќи загриженост за неговото здравје.
Everything okay, Big Guy? pic.twitter.com/AZZFw1epwo
— RNC Research (@RNCResearch) October 3, 2022
„ Тој никогаш не знае каде да оди или како да се симне од бината. Неговата тајна служба му кажува каде да оди и каде да стои пред настанот за да знаат каде да одат за да го заштитат”, напиша еден корисник.
„ Дали знае каде е? Молете се за него, потребно му е тоа“, повика друг корисник.
„ Мислам дека се обидува да го најде крстот каде што му е кажано да стои“.
„ Изгледа само што влегол во собата и се запрашал: ‘Зошто дојдов овде? ‘ Тоа им се случува на сите, но тој е прилично конзистентен“, се дел од коментарите.
Бајден и неговата сопруга Џил вчера го посетија Порторико, кој беше тешко оштетен од ураганот Фиона. Природна катастрофа ја остави целата територија на државата без струја.
Претходно Бајден направи грешка со што им се заблагодари на американските војници за нивната себичност во војната на Блискиот Исток. А за време на посетата на Израел, направи гаф за холокаустот.