Утрински Весник
Економија

Вицепремиерот Битиќи во посета на Вашингтон, ќе оствари средби со директори на ММФ, Светска банка

Вицепремиерот Битиќи во посета на Вашингтон, ќе оствари средби со директори на ММФ, Светска банка

Заменик-претседателот на Владата, задолжен за економски прашања, координација на економските ресори и инвестиции, Фатмир Битиќи, престојува во Вашингтон каде денес и утре ќе оствари низа средби.

dobivaj vesti na viber

Вицепремиерот Битиќи денес ќе оствари средба со извршниот директор на Меѓународниот монетарен фонд, Пол Гилберс, а потоа во текот на денот ќе се сретне и со извршниот директор на Светска Банка, Кун Дејвидсе, известуваат од Владата.

Во Департментот за финансии на САД, вицепремиерот Битиќи ќе оствари средба и со Брајан Мекколи, заменик помошник секретар за Европа и Евроазија и Ендру Феир, помошник секретар за безбедност на инвестиции во Департментот за финансии.

Денес на агендата на вицепремиерот Битиќи е и средбата со Џафри Пајат, помошник државен секретар за енергетски ресурси во американскиот Стејт департмент.

Во вторник, на агендата на вицепремиерот Битиќи е состанокот со претставници од ACEBA, Американско – Централноевропската бизнис асоцијација и средбата со Дејвид ДеФалко, заменик помошник секретар за Европа и Евроазија во Департментот за трговија, се додава во соопштението на Владата.

Можете да прочитате

Наскоро сите домашни производи ќе се означени со „Македонско најдобро”

СДСМ: Срамно, со ребалансот власта крати 30 милиони евра од социјални трансфери за таа да се луксузира

Кочоска: За време на 7-годишно владеење на СДС просечниот раст на БДП беше 1,6%, а Владата на ВМРО-ДПМНЕ за една година успеа растот на БДП да го донесе на над 3%