Утрински Весник
Македонија

Вечерва Собранието ги разреши министрите Меџити и Алиу

По целодневна расправа во Собранието, парламентарното мнозинство неколку минути пред полноќ изгласа која разрешување на  двајцата министри на Алијансата за Албанците, Фатмир Меџити за здравство и Азир Алиу за информатичко општество и администрација.

За разрешувањето гласаа 62 пратеници, немаше ниту против ниту воздржани бидејќи опозициските пратеници по учеството во целодневната дебата со критики за владеачката коалиција не учествуваа во гласањето.

Меџити и Алиу се приврзаници на претседателот на Алијансата за Албанците, Арбен Таравари. Нивното разрешување го побараа органите на Алијансата каде мнозинство има поранешниот лидер Зијадин Села по што владата побара разрешување.

Расцепот во Алијанса се појави откако Таравари најави дека партијата која ја води ќе биде дел од опозициската коалиција на албанските партии во Македонија. Села и неговото крило се спротивставија по што министрите подржувачи на партискиот лидер Таравари беа разрешени.

Можете да прочитате

Битиќи до Славески: Оваа Влада го зголеми стандардот на нашите сограѓани за точно 10 процентни поени

Тошковски: Однесувањето на премиерот Џафери спрема вработените во МВР е недозволиво

Османи, Ванковска и Димитриевски надминаа над 1.000 собрани потписи