Германската фудбалска легенда Јирген Клинсман, доби отказ од позицијата селектор на Јужна Кореја. Клинсман дојде на оваа функција минатата година во февруари и потпиша договор до завршувањето на Светското првенство во 2026 година. Сепак, поради лошите резултати по само една година дојде до прекин на соработката. Јужна Кореја изненадувачки беше поразена од Јордан во полуфиналето на Азискиот Куп, натпреварување на кое настапија како големи фаворити за трофејот. -Тренерот Јирген Клинсман не успеа да го донесе она што го очекувавме во националниот тим, вклучувајќи го и менаџментот во играта, менаџментот на играчите и работниот став кои ја подигнуваат конкурентноста на националниот тим, изјави Чунг Мон-Гиу, првиот човек на федерацијата.
Јужна Кореја по само една година го отпушти Клинсман
