Детскиот фонд на Обединетите нации (УНИЦЕФ) и организацијата Save the Children (Спасете ги децата) објавија дека до 30 јули оваа година сите 625.000 запишани ученици во Појасот Газа изгубиле една цела учебна година.
Меѓу нив има и 39.000 ученици кои за првпат ги пропуштиле тавџихи – завршните испити во средно училиште, се наведува во соопштението на две организации.
Тоа значи дека никој од нив не може да продолжи со високо образование, а повеќето од нив можеби никогаш нема да се вратат на училиште, наведуваат од тие организации. Најмалку 9.211 ученици и 397 образовен персонал беа убиени од израелските сили од 7 октомври лани досега.
Истовремено, ранети се 14.237 ученици и 2.246 наставници во Појасот Газа, се нагласува во соопштението.
