Утрински Весник
Магазин

Ултра чувствителен тест – може да го предвиди враќањето на ракот на дојката пред да се појават симптомите

Rak Dojke 1 57f3abdef07e5.jpg

Новиот „ултра-чувствителен“ тест на крвта предвидува дали ќе се врати ракот на дојката, години пред болеста да се појави на снимките. Истражувачите од Институтот за истражување на ракот (ICR) во Лондон тврдат дека новиот тест на крвта може да предвиди дали ракот на дојката ќе се врати.

Поконкретно, се покажало дека тестот е 100 проценти точен во предвидувањето на кои пациенти ќе им се врати ракот.

Самото истражување, кое се одвива во Велика Британија, се уште е во рана фаза, но експертите го нарекоа „неверојатно возбудливо“.

Ракот на дојка е најчеста форма на болеста во светот според добротворната организација „Рак на дојка“ во Велика Британија, но постои надеж дека тестот ќе ги подобри стапките на преживување.

Тим истражувачи од Институтот за истражување на ракот (ICR) во Лондон спроведе студија на 78 пациенти со различни видови на ран карцином на дојка.

Тестот на крвта откри рак 15 месеци пред да се појават симптомите или болеста да се појави на снимките, покажуваат резултатите презентирани на конференцијата на Американското здружение за клиничка онкологија во Чикаго во неделата.

Најраниот откриен рак бил 41 месец пред скенирањето да ја потврди дијагнозата.

Можете да прочитате

Роналдо секогаш има црн лак на нозете – еве што се крие зад тоа

5 хороскопски знаци кои наскоро би можеле да ја сретнат љубовта на својот живот

Се огласи Кејт Мидлтон: објави нова фотографија и му испрати прекрасни зборови на сопругот