Канцеларијата за странци во Варшава денеска соопшти дека писмата со повик за регрутација што ги добиле одреден број украински граѓани во Полска се фалсификат.
Во лажното писмо, објавено од Канцеларијата, се вели дека во врска со украинското законодавство за воена служба и тековната мобилизација во Украина, примачот треба да очекува посета од претставник на одделот.
Како што се додава, потоа Украинците треба да очекуваат да бидат префрлени во мобилизацискиот пункт за служба во Помиње, а доколку се обидат да избегнат мобилизација ќе одговараат со кривична пријава и ќе бидат екстрадирани во Украина.
