Утрински Весник
Свет

Тропска бура донесе поплави во Кина: две лица загинаа, а едно исчезна во провинцијата Фуџијан

Тропска бура донесе поплави во Кина: две лица загинаа, а едно исчезна во провинцијата Фуџијан

Најмалку две лица загинаа, а едно се води за исчезнато, додека повеќе од 36.000 луѓе се евакуирани поради поплавите што ги донесе тропската бура „Хаикуи“ во кинеската југоисточна крајбрежна провинција Фуџијан, соопштија локалните власти.

dobivaj vesti na viber

Двајца пожарникари загинаа, а еден полицаец се води за исчезнат откако противпожарно возило беше однесено од вода за време на спасувачка мисија, јавија кинеските државни медиуми, пренесе „АП“.

Во Фуџијан, летовите се прекинати, како и училиштата и метрото.

Метеоролозите соопштија дека врнежите ги собориле рекордите во последните 12 години во главниот град на провинцијата Фужоу со 554 милиметри на квадратен метар во вторникот и дека 49 акумулации ги надминале границите за заштита од поплави, објави „Ројтерс“.

Оштетена е електричната мрежа и комуникациската инфраструктура, а поплавени се повеќе од 4.100 хектари земјоделско земјиште, предизвикувајќи штета од 75 милиони долари, објавија кинеските државни медиуми.

На социјалните мрежи беа објавени фотографии од поплавените улици во Фужоу и Фукинг со автомобили заробени во вода.

Врнежи се очекуваат до петок во централните и јужните делови на провинцијата Фуџијан.

Деновиве поплавите предизвикуваат хаос низ цела Европа, најмногу во Грција, Турција и Бугарија.

Можете да прочитате

НАТО утре формално ќе го назначи Руте за следен шеф

Џулијан Асанж постигнал договор со американските обвинители за негово ослободување

Европол: Во Шпанија се уапсени 42 осомничени за трговија со канабис и хероин