Познатиот актер Тони Михајловски, гостувајќи во емисијата „Претрес со Ландов“, остро ја критикуваше состојбата во културата и актуелниот министер Зоран Љутков.
Михајловски оцени дека најлош министер досега бил Ештреф Алиу, а најдобар – Слободан Унковски, но посочи дека Љутков ќе ги надмине и најлошите примери.
„Тоа е министер за култура, актер, кој доби 800 тужби од свои колеги. Тој е јаден, послушник, сам си пукаше во нога кога им ги намали платите на актерите. Заробеник е на луѓе во Министерството“, изјави Михајловски.
Тој додаде дека ни времето на СДСМ не било идеално, но дека сегашната ситуација е најлоша досега.
„И времето на СДСМ беше лошо, но ова е најлошо“, заклучи Михајловски.
