Напаѓачот на Брентфорд, Ајван Тони, призна дека ги прекршил правилата на Фудбалската асоцијација на Англија (ФА). Главно се работи за кршење на правилата поврзани со нелегалното обложување.
Тони има 262 прекршувања на правилата на ФА за коцкање и обложување во периодот од 2017 и 2021 година. Сега тој ја чека пресудата од ФА, според медиумите го очекува долга суспензија.
Тони целата своја кариера ја помина во Англија, во Брентфорд од 2020 година, претходно играше во Питерборо.
Сезонава постигна 14 голови на 21 натпревар во Премиер лигата. Тони има договор со Брентфорд до јуни 2025 година.
