Утрински Весник
Македонија

Татко си ги силувал трите малолетни ќерки во Прилеп

Soobrakajka Policija Ai Photobank.png

Основното јавно обвинителство Прилеп донесе Наредба за спроведување истражна постапка против 36-годишен жител на Прилепско за кого постои основано сомнение дека сторил продолжени кривични дела силување на дете кое не наполнило 15 години од, како и родосквернавење.

Во периодот од 2021 до 2023 година, во повеќе наврати, осомничениот во својот дом вршел полови дејствија врз неговите три ќерки, родени 2008, 2010 и 2014 година, кои во време на сторување на делата немале наполнето 14 години.

Истрага е поведена и против мајката на децата, која е осомничена за кривично дело запуштање и малтретирање. Делото го сторила со грубо запоставување на својата должност за грижа и воспитување и ги запуштила своите ќерки, кои и кажале дека таткото врши полови дејствија и обљуба врз нив, а таа ги убедувала дека е срамота да пријават и дека треба да ги почитуваат родителите. Со тоа допуштила децата жртви да живеат заедно со нивниот татко кој полово ги злоупотребувал и не презела никакви мерки за нивна заштита. На 27 јуни, едно од девојчињата се охрабрило и го пријавило таткото во полиција.

Надлежниот јавен обвинител достави предлог за определување мерка притвор за двајцата родители и иницира соодветно згрижување на сите деца од семејството преку надлежните служби.

Можете да прочитате

На Клиника за онкологија во Скопје ќе се работи во две смени

Запленети возила, цигари, облека: Царинската управа спречи обиди за криумчарење на разна стока

Расчистени шест тешки кражби во радовишко, сторителот приведен, следува кривична пријава