Утрински Весник
Свет

Светски автомобилски гигант ќе почне со продажба на кинески електрични автомобили во Европа

58284fd4 8f26 4241 A7a6 060d878b5068.jpg

Производителот на автомбили Стелантис ќе започне со продажба на електрични возила (ЕВ) од својот кинески партнер Леапмотор во девет европски земји од септември за да ја прошири својата палета на буџетски автомобили, изјави шефот на компанијата Карлос Таварес.

„Продажбата на заедничкото вложување Стеланти и Леапмтор ќе се прошири и во Јужна Америка, Блискиот Исток, Африка, Индија, Азија и Пацификот почнувајќи од четвртиот квартал на 2024 година“, рече Таварес во кинескиот град Хангжу, каде што е седиштето на Леапмотор.

Заедничкото вложување наречено Леапмотор Интернешнел кое е во 51 процент во сопственост на Стелантис, има намера да ги продава електричните возила на Леапмотор надвор од Кина и исто така да ги произведува надвор од Кина, потпирајќи се на производствените бази на Стелантис.

Тоа е дел од поширокото партнерство меѓу двете групи, откако минатата година француско-италијанската група објави дека купува 21 процент од акциите во Леапмотор за 1,6 милијарди долари.

Преку заедничкото вложување, Стелантис има ексклузивни права за производство, извоз и продажба на производи на Леапмотор надвор од Кина. Тоа е прва таква можност за етаблиран западен производител на автомобили во време кога голем број кинески производители, вклучувајќи ги BYD, Chery и Dongfeng, најавуваат или размислуваат за нови производствени капацитети во Европа.

Таварес и извршниот директор на Леапмотор, Жу Џиангминг не дадоа специфики за точните локации каде што би можеле да се произведуваат електричните возила на Леапмотор.

Но, Таварес рече дека сите одлуки за производство ќе се засноваат на проценки на трошоците и квалитетот, и дека фабриката на Стелантис во Тичи, Полска, би можела да биде меѓу можните локации.

Можете да прочитате

Гугл поставува кабел со оптички влакна од Африка до Австралија

Состојбата на Фицо е стабилна, забележително е благо подобрување, велат од болницата

Борел: По пресудата на судот во Хаг, ЕУ мора да избере дали ќе ги поддржи меѓународните институции или Израел