Утрински Весник
Македонија

Средба Џафери – Троказ: Северна Македонија да продолжи по зацртаниот пат на европска интеграција

16052024 Pvrsm Dzaferi Trokaz Sredba 4.jpg

На маргините на лидерскиот состанок за Планот за раст кој се одржува во Котор, Црна Гора, претседателот на Владата на Република Северна Македонија, Талат Џафери оствари билатерална средба со специјалниот пратеник за Западен Балкан на Франција, Рене Троказ.

На средбата, се разговараше за важноста од продолжување на европскиот пат на Република Северна Македонија во пресрет на формирањето на новата Влада. Троказ ја истакна натамошната француска поддршка на европската интеграција на Северна Македонија во ЕУ, и повика на почитување на меѓународно преземените договори од сите политички чинители.  

Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока, ја сподели загриженоста од непочитувањето на уставното име од страна на новоизбраната претседателка на државата и повика на почитување на Меморандумот потпишан пред изборите од страна на политичките партии во поглед на предусловите за нашето интегрирање во Европската Унија.

Премиерот Џафери нагласи дека, за него не е приоритет кој ќе ја сочинува новата Влада, туку исполнувањето на европската агенда. Тоа е патот на иднината и на просперитетот за кој тој ќе продолжи да работи во кое било својство или функција.

Можете да прочитате

Забрчанец: Регионалната соработка на Западен Балкан е можна само ако опстојат доволен број прогресивни политички претставници и лидери

Двајца крадци украле автомобил во Битола, полицијата ги уапси

Меџити: Тројца-четворица пратеници од Европскиот фронт ќе бидат дел од новото мнозинство