Утрински Весник
Балкан

Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа

20240425102857 Big 730x400 55.webp.webp

Судот на Босна и Херцеговина одреди притвор само за тројца од 23-те лица кои беа уапсени во таа земја на почетокот на неделата под сомнение дека се соработници на еден од најголемите картели кои шверцувале дрога од Латинска Америка во Европа. На слобода се пуштени полицајци и полициски службеници кои исто така беа приведени.

Судот на Босна и Херцеговина заклучи дека нема основано сомневање дека директорот на полициската управа на Министерството за внатрешни работи на Федерацијата Босна и Херцеговина, Вахидин Муњиќ и командирот на специјалната единица на ентитетот МВР, Мустафа Селмановиќ, како и тројца полицајци, извршиле кривични дела, па ги одби барањата да им се одреди притвор.

Оваа мерка е изречена само на три лица, меѓу кои и Аднан Смајловиќ, за кого Обвинителството на БиХ смета дека е водач на групата која е за нарко картелот, со седиште во Дубаи, на чело со Един Гачанин, кој „перел“ пари на територијата на БиХ инвестирајќи ја во недвижен имот, автомобили и вредни предмети.

За уште пет лица кои се под истрага, Судот на Босна и Херцеговина воведе рестриктивни мерки, како забрана за патување надвор од земјата и средба со други осомничени и потенцијални сведоци.

Можете да прочитате

Експлозија во фабрика за бои и лакови во Србија

Српскиот министер за надворешни работи: Дијалогот меѓу Белград и Приштина во „кома“

Двајца загинати и неколкумина повредени во експлозија на бомба во Цетиње