Додека Македонија се уште е во непремостлива поделеност од предавството и се дави во асимилација заради лажно добрососедството, творецот на двете катастрофи, Зоран Заев е убеден дека 75 отсто од народот ги поддржувал овие обезличувачки, предавнички и асимилаторски зафати, реагира портпаролот на ВМРО-ДПМНЕ, Наум Стоилковски.
„Бидејќи газдата на Ковачевски и на Пендаровски и творецот на сите предавства Заев е убеден во поддршка од 75%, ајде најскоро на терен да ја измериме вредноста и во ист ден да се распишат референдум, предвремени парламентарни и претседателски избори“, наведе Стоилковски.
Претходно денес, експремиерот Зоран Заев изјави дека над 75 проценти од граѓаните се против инцијативата за референдум за раскинување на договорот со Бугарија.
