ВМРО-ДПМНЕ го избра Стојанчо Радичевски за кандидат за градоначалник на Општина Брвеница на претстојните вонредни локални избори, соопштија од партијата.
Од ВМРО-ДПМНЕ информираат дека кандидатурата на Радичевски била едногласно поддржана на редовна седница на Извршниот комитет на партијата.
Радичевски во моментов е претседател на Општинскиот комитет на ВМРО-ДПМНЕ во Брвеница. Тој дипломирал на Правниот факултет „Јустинијан Први“, а образованието го продолжил со магистерски студии и е магистер по граѓанско право.
Од партијата очекуваат неговата кандидатура да добие поширока поддршка меѓу жителите на општината.
„Очекуваме обединување на сите прогресивни сили и поддршка за предлогот кој претставува чесно и искрено решение за напредокот и иднината на Општина Брвеница“, се наведува во партиското соопштение.
ВМРО-ДПМНЕ најавува дека на вонредните локални избори ќе настапи со очекување за убедлива победа и освојување на градоначалничката функција во Брвеница.
