Бети Стаменкоска-Трајковска, пратеничка од ВМРО-ДПМНЕ, побара од премиерот да ги симне слушалките додека таа дискутира.
„Дали е дозволено да слуша музика на слушалки? Тој може да е алергичен на мене, но јас сум пратеник и сакам да ме слуша“, рече Стаменкоска-Трајковска.
„Може вака сака појасно да ве слуша. Бети, те уверувам дека премиерот те слуша“, ѝ одговори потпретседателот на Собранието, Горан Мисовски.
Пратеничката говореше за нерешавањето на проблемите со дојавите за поставување бомби и, како што рече, непотизмот во Владата набројувајќи пратеници што вработиле свои блиски.
