Попладнево се отстранија сите дилеми за тоа кои се граѓани ќе можат да гласаат на претстојните претседателски и парламентарни избори.
Собранието ги донесе потребните измени на Изборниот законик со што сите оние граѓани кои имаат истечени документи до девет месеци наназад ќе можат да гласаат на изборите.
Покрај овие измени на Изборниот законик, поминаа и дел од препораките на ОБСЕ/ОДИХР нотирани во претходните изборни циклуси кои се однесуваат на законската рамка, постапката на приговор, жалбената постапка за заштита на избирачкото право, набљудувањето на изборите, регистрацијата на гласачи, изборната кампања и нејзиното финансирање, медиумското преставување на учесниците во изборниот процес.
