Утрински Весник
Свет

Сијарто: Ќе отвориме нови поглавја од преговорите со Србија

Sijarto.jpg

За време на претседавањето со ЕУ, кое започнува на 1 јули, Унгарија ќе отвори нови поглавја во пристапните преговори со Србија и ќе одржи меѓувладини преговори со сите пет кандидати за членство од Западен Балкан, изјави во средата во Париз шефот на унгарската дипломатија Петер Сијарто.

Зборувајќи на конференцијата на Организацијата за економска соработка и развој (ОЕЦД), Сијарто рече дека Унгарија, за да го забрза проширувањето на ЕУ кон Западен Балкан, планира и затворање на најмалку седум поглавја од преговорите со Црна Гора.

Тој, исто така, планира да ги отвори првите поглавја со Албанија и да ја усвои преговарачката рамка со БиХ, што е прв чекор кон отворање на преговорите. Унгарија ќе се обиде да започне „конкретни преговори со новата, силно проинтеграциска ориентирана влада на Северна Македонија“, рече тој.

Можете да прочитате

Нема да има алкохол на Светското првенство во фудбал во Саудиска Арабија

САД во Европа префрлиле нуклеарни бомбардери B-52H

ИСВ: Кремљ подготвува тајни акции во Балтичкото Море и земјите во Европа