Утрински Весник
Магазин

Шварценегер по вградувањето на пејсмејкер е подготвен за снимање

Arnold Svarceneger Free Image 750x430 1.jpg

Арнолд Шварценегер вели дека е „подготвен да ја сними“ втората сезона на „Фубар“ на Нетфликс во април, и покрај тоа што неодамна му беше вграден пејсмејкер

Познатиот холивудски актер, поранешен гувернер на американската сојузна држава Калифорнија и бодибилдер се враќа на актерството со духовита шега за тоа како делумно станал машина откако на почетокот на овој месец му бил вграден пејсмејкер. Арнолд Шварценегер веќе знае на кој проект се враќа, а наскоро повторно ќе го видиме на малите екрани.

„Добив многу убави пораки од целиот свет, но многу луѓе ме прашуваа дали пејсмејкерот ќе ми направи проблеми со втората сезона на серијата „Фубар“, објави Шварценегер на Инстаграм и додаде: „Воопшто не . Ќе бидам подготвен за снимање во април“.

Холивудскиот актер глумеше во првата серија на блокбастерот на Нетфликс „Фубар“, за оперативец на ЦИА пред пензионирање, кој открива семејна тајна и е принуден да се врати на теренот за последна задача.

Актерот со австриско потекло рече дека првпат имал операција на отворено срце во 1997 година поради генетски дефект на срцето (бикуспидна аортна валвула) и повторно во 2018 година, додека во 2020 година бил подложен на неинвазивна операција на срцето.

Можете да прочитате

Невролог предупредува за симптомите на прекумерно користење на социјалните мрежи

Ако сакате да внесете повеќе витамин К почнете да јадете редовно од овие видови храна

Починаа најстарите сијамски близнаци на светот