Утрински Весник
Свет

Шпанската полиција заплени 14 тони хашиш

Шпанската полиција заплени 14 тони хашиш

Шпанската цивилна гарда денеска заплени 14 тони хашиш од Мароко и уапси 49 лица осомничени за шверц на оваа дрога, објави Танјуг.

dobivaj vesti na viber

Се претпоставува дека уапсените припаѓаат на најголемата криминална група во Шпанија која се занимава со шверц на хашиш и дека секој месец преку граница пренесуваат и до 20 тони дрога.

Полицијата соопшти дека шверцерите биле вооружени бидејќи не е невообичаено ривалските банди да се обидуваат да запленат шверцуван хашиш.

Во акцијата за апсење, која започна во декември минатата година, учествуваа околу 400 полицајци, јавува агенцијата.

Шверцерите биле добро организирани и поседувале брзи моторни чамци, големи залихи на гориво и храна, се вели во соопштението на тамошната полиција.

Можете да прочитате

Руски воени бродови впловија во Црвено Море

Во Франција за Велигден зголемено присуството на полицијата пред црквите

Палестинската управа формира нова влада