Утрински Весник
Спорт

Шчесни: Се обложив со Меси во 100 евра дека нема пенал, но…

Шчесни: Се обложив со Меси во 100 евра дека нема пенал, но…

Полскиот голман Војчех Шчесни стана херој за својата репрезентација со одбранетиот пенал против Аргентина. Голманот го одбрани ударот од 11 метри на Лионел Меси и му помогна на неговиот тим да го задржи резултатот на паузата.

dobivaj vesti na viber

Полјаците потоа загубија со 0:2, но овој резултат беше доволен за да се квалификуваат во осминафиналето на Светското првенство во 2022 година.

„Мојот разговор со Меси? Му реков да се обложиме во 100 евра дека судијата нема да досуди пенал. Реално, го изгубив облогот. Не знам дали тоа е дозволено, можеби ќе ме казнат. Не планирам да му ги дадам парите на Меси, затоа што има повеќе од доволно“, изјави Шчесни за полските медиуми.

Самиот пенал беше крајно контроверзен. Шчесни потврди дека имало контакт меѓу него и Меси, но тој бил премногу минимален и не очекувал судијата Дени Макели да досуди пенал. На крајот, полскиот голман успеа да го скроти ударот на Меси од белата точка.

Можете да прочитате

Ирвинг дебитираше за Далас, Лилард со трипл-дабл им пресуди на Вориорс

Атлетико ја одреди цената за Жоао Феликс

Кевин Дурент во Феникс Санс