Раководството на Пари Сен Жермен има сериозни сомневања дали да му понуди нов договор на ветеранот Серхио Рамос. 36-годишниот Шпанец беше доведен на „Паркот на принцовите“ со големи очекувања, но досега не успеа да ги исполни. Неговата прва сезона беше кошмарна, со оглед дека едвај играше поради повреди. Во текот на оваа сезона, дефанзивецот добива многу повеќе шанси.
Серхио Рамос има договор со ПСЖ до лето, но газдите на клубот се двоумат дали да му понудат продолжување на договорот. Парижаните не се убедени дека Шпанецот може да биде корисен на долг рок и во моментов вагата е повеќе кон разделба на лето, тврдат француските медиуми.
Друго прашање што ги закочи преговорите за обновување на договорот на ветеранот е фактот што тој добива голема плата од 6 милиони евра годишно.
