Утрински Весник
Свет

Се подготвува голема помош за Украина: Девет земји ја потпишаа „Заклетва од Талин“

Се подготвува голема помош за Украина: Девет земји ја потпишаа „Заклетва од Талин“

Група од девет земји вети нова воена помош за Украина пред утрешниот клучен состанок за вооружување во Германија.

dobivaj vesti na viber

Помошта од земји како Естонија, Летонија, Обединетото Кралство и Полска ќе опфати десетици системи за противвоздушна одбрана Стингер, противвоздушни пушки и митралези С-60 и обука, се вели во соопштението.

Потпишувајќи го она што беше наречено „Заклетва од Талин“, земјите потписнички ја осудија Русија.

„Ги осудуваме руските напади кои имаат за цел да го тероризираат народот на Украина, вклучително и намерни напади врз цивилното население и цивилната инфраструктура што може да претставуваат воени злосторства. Го отфрламе руското континуирано кршење на суверенитетот, независноста и територијалниот интегритет на Украина, како и нелегалните тврдења на Русија дека ја анектирала украинската територија“,
пишуваат тие.

„Затоа, ние се обврзуваме на колективна испорака на донации без преседан, вклучувајќи борбени тенкови, тешка артилерија, противвоздушна одбрана, муниција и борбени возила за пешадија за одбрана на Украина. Оваа значителна помош за Украина доаѓа од нашите сопствени национални залихи и ресурси кои го илустрираат нашето взаемно разбирање за сериозноста на ситуацијата и нашата посветеност за итно зголемување и
забрзување на поддршката за Украина. Откако го дадовме ова „ветување од Талин“, утре, 20 јануари, ќе се упатиме на состанокот на групата за одбрана на Украина во Рамштајн и ќе ги повикаме другите сојузници и партнери да го следат примерот и да ги испорачаат нивните планирани пакети за поддршка што е можно поскоро за да се обезбеди победа на украинската бојното поле во 2023 година“, објавија тие.

„Заклетвата од Талин“ ја потпишаа девет земји: Данска, Чешка, Естонија, Летонија, Литванија, Полска, Словачка, Обединетото Кралство и Холандија.

Можете да прочитате

Убиена американска политичарка, ФБИ покрена итна истрага

Помпео: Путин немаше да ја нападне Украина доколку Трамп сè уште беше претседател

Америка откри уште еден „кинески шпионски балон“