Според партијата на власт, поради неспособноста на ВМРО-ДПМНЕ, главниот град останува без јавен организиран автобуски превоз.
Штрајк на приватните превозници, ЈСП пред колапс, намалена фреквенција на линиите, преполни постојки и автобуси, тоа е епилогот на една година владеење на ВМРО-ДПМНЕ во Град Скопје, велат од СДСМ.
„Јавниот превоз е во колапс, а отежнато функционираат и останатите јавни претпријатија кои се под надлежност на Градот. И наместо решенија, ВМРО-ДПМНЕ тера политикантство на штета на градот и граѓаните. Со својата неспособност и неодговорност, ВМРО-ДПМНЕ предводена од Христијан Мицкоски предизвикува нова катастрофа во Скопје“, се истакнува во соопштението од страна на владејачката партија.
