СДСМ од утре почнува со серија граѓански трибини.
Премиерот и претседател на СДСМ, Димитар Ковачевски, најави дека трибините се со цел разговори со граѓаните за мерките и политиките на СДСМ, за визијата на оваа партија и за иднината на државата.
„Мојата визија е економски силна и стабилна држава, полноправна членка на ЕУ, со заштитен македонски јазик и идентитет. Се грижиме за граѓаните и за животниот стандард во време на криза. Но гледаме и напред, за нашите деца да можат горди и со крената глава да ја градат својата иднина дома, во земја членка на ЕУ“, напиша Ковачевски на социјалните мрежи.
Првата трибина ќе се одржи утре со почеток во 18.30 часот во Домот за културата во Битола каде ќе присуствува Ковачевски.
Покрај тоа, во 17 часот ќе се одржат повеќе граѓански трибини. Во Ресен ќе присуствува заменик претседателката Сања Лукаревска, Новаци со потпретседателот Стефан Богоев, Могила со потпретседателката Бисера Костадиновска и Демир Хисар со организацискиот секретар Вангел Андрески.
