Утрински Весник
Македонија

СДСМ: 100 милиони евра поддршка од ЕУ, преговорите носат придобивки

СДСМ: Општествено обединување околу европскиот пат е врв на патриотизмот

Почетокот на преговорите со Европската унија на државата и на граѓаните им носи конкретни придобивки. Европската комисија даде предлог за макрофинансиска поддршка за економијата на Македонија до 100 милиони евра за следните две години помош, соопшти СДСМ.

dobivaj vesti na viber

„ Спроведувањето на поддршката ќе се уреди со Меморандум за разбирање со ЕУ, кој се очекува да се фокусира на реформите во фискалното управување, даночната политика, управувањето со јавните инвестиции, јавно-приватните партнерства, деловното опкружување, транспарентноста во државната помош, енергетската ефикасност, реформите во судството и борбата против корупција.

ЕУ пред само неколку дена додели грант од 53 милиони евра за три стратешки енергетски проекти, а во јули минатата година Брисел одобри 225 милиони евра за четири инвестициски проекти во државата. За справување со економската и енергетската криза ЕУ лани обезбеди 80 милиони евра за Македонија“ велат од владејачката партија.

Оттаму додаваат дека со ова уште еднаш се докажува кој стои до нашата држава во тешки времиња и во време на економска и енергетска криза.

Евроинтеграцијата носи развој и напредок на државата, европски вредности и сигурна иднина за подобар живот на граѓаните, посочуваат од СДСМ.

Можете да прочитате

Претседателката Сиљановска-Давкова ги прими акредитивните писма од новоименуваната амбасадорка на Република Естонија, Јана Ванамолдер

Мицкоски од Берлин: Македонија активно учествува во разговорите за глобалната безбедност и предизвиците во светот

Координативен состанок на претставници на институциите и Општина Крива Паланка за надминува на проблемот со кравите