Маурицио Сари победи против Монца (1:0) и со Лацио се искачи на второто место во Серија А. Сепак тој не е среќен пред утрешното дерби против Јувентус.
На новинарско прашање што мисли за големата пауза што следува на средината на сезоната поради Светското првенство, бидејќи натпреварот со Јуве ќе му биде последен до почетокот на јануари следната година, Сари одговори:
„Сметам дека тоа е навреда за фудбалот. Би сакал некој да ми објасни што какви добри работи на фудбалот ќе му донесе СП во Катар. Се разбира, освен парите за Манчестер сити и ПСЖ“.
