Легендарниот бразилски лев бек Роберто Карлос за британски „Телеграф“ зборуваше за претстојното Светско првенство и за репрезентацијата на својата земја.
Поранешниот играч на Реал Мадрид смета дека „Селесао“ го изгубил идентитетот и повеќе не е она што беше некогаш.
„Бразил ја загуби својата суштина, убавата игра (joga bonito)“!
Карлос учествуваше на четири светски првенства со Бразил, два пати ја освои титулата во 1994 и 2002 година.
„Напаѓавме тимски, но и се браневме многу подобро од сега. Бевме многу сигурни во нашата позициска игра“, изјави Карлос.
