Утрински Весник
Свет

САД и Велика Британија по Ирак и Сирија во нови воздушни напади во Јемен

По нападите врз Ирак и Сирија, САД започнаа нови напади врз цели на Хутите во Јемен, пренесува Ројтерс. АП пренесува дека во нападите е вклучена и Велика Британија. Соединетите Американски Држави и Велика Британија нападнаа најмалку 30 цели на Хутите во Јемен во вториот бран напади чија цел е дополнително онеспособување на групите поддржани од Иран, кои немилосрдно ги напаѓаат американските и меѓународните интереси од војната меѓу Израел и Хамас, изјавија американските власти, пренесе Асошиетед прес. Последните напади врз Хутите беа извршени од бродови и воени авиони. Нападите уследија по воздушен напад во Ирак и Сирија во петокот, чија цел беа други милиции поддржани од Иран и Иранската револуционерна гарда како одмазда за нападот со беспилотно летало во кој загинаа тројца американски војници во Јордан минатиот викенд. САД и Велика Британија извршија напади врз цели на Хутите во Јемен од воздушни и површински платформи – вклучително и F/A-18 – на најмалку 30 цели на 10 локации“, според официјални лица, според Си-Ен-Ен. Според еден официјален претставник, целите вклучуваат објект за команда и контрола, подземно складиште за оружје, како и друго оружје што го користат бунтовниците поддржани од Иран за цел на меѓународни бродски патеки. Во меѓувреме, агенцијата АФП, повикувајќи се на медиумите на Хутите, јави дека јеменската престолнина Сана е нападната.

Можете да прочитате

„Сака да биде холивудски каубој“: Се огласи Кремљ откако Бајден го нарече Путин „луд кучкин син“

Тренер по таеквондо во Австралија уби момче кое го тренирал и неговите родители

Земјоделците од Централна и Источна Европа денеска ги блокираат границите и големите градови