Граѓаните на Русија и Белорусија следната година нема да можат да учествуваат на 127. Бостонски маратон, пренесува ТАСС повикувајќи се на прес-службата на познатото натпреварување.
Во соопштението се наведува дека на маратонот ќе можат да учествуваат Руси и Белоруси кои моментално не се постојани жители на споменатите земји, но нема да можат да се натпреваруваат под знамето на ниту една од тие земји.
Се наведува дека за прв пат на маратонот ќе можат да учествуваат лица кои се дефинираат како небинарни личности (сеопфатна категорија за родови идентитети кои не се исклучиво машки или женски).
Бостонскиот маратон ќе се одржи на 17 април.
