Украинскиот министер за одбрана, Олексеј Резников, апелира до своите колеги од ЕУ да го поддржат планот за купување милион артилериски гранати, што ќе ѝ помогне на Украина.
Зборувајќи со новинарите пред министерскиот состанок во Стокхолм, Резников рече дека на Украина итно ѝ требаат гранати за да се одбрани од руските сили и да почне контранапад, пренесе „Ројтерс“.
Тој изјави дека го поддржува предлогот на Естонија до земјите од ЕУ заеднички да се соберат пари за набавка на гранати од 155 милиметри за Украина оваа година, што ќе чини вкупно четири милијарди евра, пренесе „Б92“.
