Реткиот светло розево-виолетов дијамант е проценет на 35 милиони долари и ќе биде ставен на аукција во аукциската куќа Сотби како дел од продажбата на „Њујоршките величествени скапоцени камења“ во јуни.
Каменот од 10,57 карати се прогласува за највредниот розово-виолетови дијамант кој некогаш бил ставен на аукција, според аукциската куќа Сотби.
„Неговите префинети линии во комбинација со интензитетот на бојата го прават еден од најнеобичните скапоцени камења во светот“, рече Том Мозес, извршен потпретседател, менаџер на лабораторија и истражувач во Американскиот гемолошки институт.
Каменот, ископан во Боцвана, „се споредува со најголемите уметнички ремек-дела, многу поретки од Магрит или Ворхол“, велат од Сотби. Розовите дијаманти се меѓу најретките и најбараните скапоцени камења во светот и се најпривлечни за инвеститорите.
Рекордот на аукцијата го држи скапоцениот камен CTF Pink, кој беше продаден за 71,2 милиони долари во Хонгконг во 2017 година. Дијамантот Вилијамсон Пинк Стар беше продаден за 57,7 милиони долари минатата година во Хонг Конг и го држи рекордот за највисока цена по карат – речиси 5,2 милиони долари.
