Реал Мадрид и Баерн Минхен вечерва (21 ч.) на „Сантијаго Бернабеу“ ќе одлучат кој ќе биде вториот финалист во елитната фудбалска Лига на шампионите (ЛШ), каде се пласира Борусија Диортмунд. Првата пресметка меѓу шпанскиот и германскиот великан во Минхен заврши без победник (2:2). Финалето ќе се игра на „Вембли“ на 1 јуни. Традицијата е на страната на Реал Мадрид, кој го елиминираа Баерн Минхен во минатите три дуели. Германците мака мачат против Реал Мадрид и на последните осум средби се без победа, претрпеа шест порази, а двапати ремизираа. Тренерот на „кралевите“Карло Анчелоти има многу добар скор против баварскиот гигант, со шест победи, три нерешени и ниту еден пораз на деветте натпревари на клупата на Милан и на Реал Мадрид. Баерн има само еден пораз на последните 12 натпревари против шпанските тимови, дома или на гости (седум победи и четири ремија), но уште загрижувачки е тоа што испадна во шест од последните осум дуели против екипи од оваа земја.
